O 23 de febreiro de 1843 nacía Rosalía de Castro.
Por este motivo, o alumnado de 6º de E.P. festexou o día de Rosalía dunha maneira especial e moi agardada por eles; xa que era a culminación dunha actividade que comezaron aló polo mes de septembro. Dende o primeiro día de curso adicáronlle un anaco da clase de lingua para ler un poema do libro de cantares galegos, tratar de encontrarlle un novo sentido e imaxinar ou que ela quería expresar nese momento. O 23 de febreiro cada neno e nena escribiu en papeis de cores a frase ou verso que máis lle gustou de todo o libro e todas estas pequenas mostras poéticas foron colocadas ao redor dun retrato que fixeron no que quixeron plasmar a mestura dunha Rosalía realista e a artística. Dito traballo colgouse na biblioteca do centro.
Doutra banda, xa cos traballos expostos, os nenos de 1º e 2º de E. P. puideron gozar dun fantástico contacontos en que o noso alumnado convertíase nun protagonista máis de historias tan coñecidas como os tres cerditos, ou os sete cabritos.
Unha xornada para desfrutar do pracer da letura e de contar historias.
Ningún comentario:
Publicar un comentario
Nota: só un membro deste blog pode publicar comentarios.