Translate

domingo, 16 de xaneiro de 2022

O noso Nadal (3º E.P)

 Este ano, a pesar de non poder volver facer o noso tradicional festival, realizamos moitísimas actividades divertidas na nosa clase de 3º de Primaria. Como xa non somos os pequenos da etapa estas actividades foron diferentes pero ao mesmo tempo moi divertidas. Decoramos a nosa porta, escribimos poesías e fixemos debuxos. 

En Plástica fixemos un adorno para a árbore con paus  depresores que nos quedou  superchulo.



En clase de inglés fixemos unha postal e preparamos unha panxoliña para cantarlle, nin máis nin menos que a Papá Noel! Que responsabilidade! O último día de clase sorprendeunos coa súa visita e nós sorprendémoslle a el co noso  Christmas  Carol. Iso si... custábanos controlar os nosos nervios pero saíunos fenomenal.

Christmas Carol para Papá Noel

Pinchade nesta ligazón para poder ver a actuación ante Papá Noel.

Debeulle gustar a canción porque regalounos unha lambetada.


Aquí podedes ver como quedaron as nosas postais

Este ano, tamén coñecemos o  Ugly  jumper  Day que, aínda que este ano celebrábase o 17 de decembro, nós reservámolo para o último día de clase. Estabamos  super elegantes cos nosos xerseis!

Tamén o último día de clase a  profe  Celsa sorprendeunos cunha película e con deunos chocolate para acompañar a merenda.

Como podedes ver nas fotos e neste vídeo pasámolo xenial! Pinchade ahí!

Nadal en 3º E.P

martes, 11 de xaneiro de 2022

Hixiene bucodental para o noso alumnado

Antes das vacacións de Nadal recibimos a visita dunha amabilísima doutora, que ensinou os cursos de 1º e 2º de E.P. como debe levarse a cabo un bo👌 cepillado. Como vedes, durante a charla os nen@s estiveron moi atentos e fixeron múltiples preguntas. 



Ademais, a doutora sorprendeunos cuns agasallos!


E en sinal de agradecemento polos seus consellos sobre como coidar os dentes, e a lingua, que tamén é importante, os nenos e as nenas de 1º e 2º de E.P fixéronlle uns debuxos que podedes ver a continuación:







mércores, 8 de decembro de 2021

Os viruses (6º E.P.)

 O grupo de Sexto de Educación Primaria, finalizou o tema de Natural Science "Living beings: cells and functions" cunha exposición a cal queren adicar as súas familias e persoas que vexan o video.

Nesta exposición por equipos e seguindo todas as normas do protocolo de proteción da covid foron quen de ampliar os coñecementos da unidade utilizando técnicas de traballo cooperativo para a sección de "Apply your skills!" Onde aprenderon a diferenciar o que é una bacteria e un virus.

Este pequeno vídeo é unha pequena mostra de traballo en equipo que reflexa moito esforzo, toma de decisións e responsabilidades. Foi unha xornada na que aprenderon a pedir axuda e antepuxeronse ás dificultades, contaxiándose o entusiasmo pola tarea e traballando para lograr conseguir un obxectivo en común, antepoñendo o grupo aos intereses persoais, desenvolvendo as súas habilidades sociais e traballando flexiblemente para adecuarse ao ritmo de todos os compañeiros e compañeiras. Unha actividade na que ningún era máis que outro e que todos traballaban conxuntamente ca mesma finalidade, aprender a aprender.

Noraboa clase!




mércores, 26 de maio de 2021

Día da familia

 Esperamos que vos gustara o detalle do Día da familia. Fixérono coa maior das súas ilusións e absoluto secreto (se é que se aguantaron as ganas que tiñan de contárvolo). Nas fotos podedes ver as súas cariñas de ilusión o día que o levaron para casa.Pero eso sí, as mensaxes escritas no seu interior, son o verdadeiro agasallo.


domingo, 7 de marzo de 2021

Food Chains (5º Primaria)

 Os alumnos e alumnas de 5º de educación primaria están a traballar na materia de Natural Science as cadeas tróficas presentes nos ecosistemas. Co fin de acercar dito contido ás aulas de maneira manipulativa para facilitar a súa interiorización, fixeron, con materiais reciclables, ditas cadeas de alimentación ("food chain”)

Debido a situación que estamos vivindo, cadaquén fixo a súa parte individualmente e unírono para obter un resultado en común. Coma calquera metodoloxía cooperativa require, o traballo individual incide directamente no resultado do grupo polo que cada membro debe dar o seu mellor traballo para obter un resultado satisfactorio para todo o grupo. Desta maneira traballamos habilidades sociais e de cooperación que van máis aló que a mera adquisición de contidos.

Para levar a cabo esta tarefa tiveron que representar en cada vaso un produtor, un consumidor e un descompoñedor, e encaixalos de xeito que representen as relacións tróficas existentes entre eles; polo que tiveron que activar a súa imaxinación e creatividade e aprender as características de cada elemento para a súa posterior exposición grupal.



domingo, 21 de febreiro de 2021

O amor comeza cara un mesmo

O día de San Valentín pode significar na aula un bo momento para traballar temas transversais do currículo, como poden ser o amor e a amizade. Gústanos facer este tipo de actividades co noso alumnado porque non só son importantes as capacidades cognitivas ou intelectuais, senón tamén as súas capacidades afectivas, de relación interpersoal e de inserción e actuación social. 
Esta actividade traballa ao redor do autoconcepto e a autoestima, pilar fundamental da maduración e condicionante de todas a s súas interaccións sociais. Un neno ou unha nena seguro de si mesmo e consciente do seu valor como persoa establecerá sempre boas relacións sociais e mesmo axudará a afianzar a seguridade do seu grupo-clase.
Sempre a familia e o amor son temas moi atraentes para os nenos desta idade pois conforman o primeiro contacto co mundo e sempre se pode captar a súa atención aos introducilos na aula. 
A finalidade desta dinámica é que o alumnado comprenda a importancia de quererse a un mesmo, da amizade e o amor, e non só esta, senón que tamén reflexionen, identifiquen e lle dean valor a aquelas cousas que lle aportan seguridade e amor e que conforma o "mapa do seu corazón". E ao mesmo tempo dámoslle a oportunidade de traballar a súa creatividade e a respectar as distintas expresións artísticas dos seus compañeiros e compañeiras.
Tamén nos gusta e nos alegra saber que algún dos nosos alumnos e alumnas reserva una anaquiño do seu corazón para incluirnos; xa que eles sempre nos rouban un anaquiño do noso.
 

xoves, 4 de febreiro de 2021

Lapbook da Unión Europea (6º Ed. Primaria)

Desde o inicio da 2ª avaliación, o alumnado de 6º de Primaria, estiveron facendo un lapbook da Unión Europea en Ciencias Sociais. Memorizar non é aprender o que pon un libro, por iso, buscamos estratexias para transmitir esa información e que ao mesmo tempo, os rapaces adquiran habilidades e capacidades básicas para realizar proxectos que desenvolvan o seu pensamento crítico e creativo. Ademais, cabe destacar outros beneficios desta actividade: fomenta a motivación e a concentración xa que manteñen o interese do tema durante días, adquiren mellor o aprendido, potencia a autoestima e a confianza debido ao tempo e esforzo que dedican a un proxecto… No vídeo e a foto, son un pequeno exemplo do seu traballo en clase. Espero que o desfrutedes!