Co motivo da celebración do Samaín, levamos a cabo dúas actividades científicas no laboratorio. Queredes velas?
1º e 2º “Pantasmas espumosas”
Como unha forma de
achegarnos as reaccións químicas, nos primeiros cursos de educación primaria
fixemos este esperimento para crear pantasmas espumosas empregando xabón
líquido, auga, colorante alimentario, vinagre e bicarbonato sódico.
O noso alumnado debuxou nos
vasos as caras das pantasmas e a continuación desencadeamos a reacción química
na que o ácedo do binagre combínase co bicarbonato sódico para formar unha sal,
e auga. Neste proceso libérase dióxido de carbono, que o gas encargado de facer
que observemos unha efervescencia nos vasos e a produción de espuma nas nosas
pantasmas.
Todos estaban de acordó en
que por ese motivo, as pantasmas estaban anoxadas.
Tamén experimentamos se ese gas é quen de
inchar un globo. E sí que o consegue!
O que está claro é que a ciencia pode ser moi divertida!
3º E 4º: “Mensaxes pantasmais”
Hoxe en día temos moitas
formas de comunicarnos e ferramentas para a comunicación escrita (bolígrafos,
lápiz…), pero non sempre foi así. Con motivo da celebración do Samaín,
experimentamos cómo poden deixar mensaxes ocultas os pantasmas empregando zume
de limón.
O noso alumnado coa axuda
dun bastonciño para os oídos, escribiu e debuxou unha mensaxe de terror, o un
debuxo pantasmal, mollandoo en zume de
limón. Aínda que non se ve o que se escribe, podemos descifrar esas mensaxes
segredas dos pantasmas empregando unha vela que desencadea a reacción química
da pirólese do ácedo cítrico do zume.
Cando o achegamos a unha
fonte de calor, neste caso unha vela, xeramos unha reacción química de
carbonización. A parte que ten o acedo cítrico do zume de limón se oxida
deixando unha substancia de cor marrón. E é que o ácido se descompón coa
temperatura transformándose noutros produtos, entre eles o carbón, que dá este
aspecto marrón que revela as nosas mensaxes.
Curioso verdade? Esta forma
segreda de comunicación foi empregada durante a guerra mundial, por exemplo.
